上一篇推介了五款清熱降火湯水，今次為大家準備了三款潤喉降脂飲品，更有美顏功效，各位絲打可以打住邊爐、食住燒雞翼都keep 到個靚樣啦！
一) 茅根竹蔗紅蘿蔔馬蹄薏米水
充滿媽媽味道的茅根竹蔗水大家從小就飲，無難度之餘仲大細都啱，下火之餘又可降血脂、血壓及血糖，仲有減肥瘦身之效，火鍋BBQ 時飲用就最合適。
二) 洛神花山楂茶
山楂與洛神花均酸甜開胃、消滯、降血脂血壓，更可生津止渴及疏肝理氣， 預先煲好雪凍，待BBQ或火鍋時飲用，比飲汽水健康得多！不過胃酸過多者就不宜飲用過多。
三) 決明子減肥通便茶
決明子可潤腸通便，並有降血壓、降血脂、分解體內脂肪等作用，適合肥胖、容易食滯人士，但要小心過量飲用或太寒涼。選用炒決明子或自行用白鍋炒至金黃色可去除寒性。
以上介紹的冬天滋潤飲品消脂又養顏，市面上亦有不少材料包為你一次過預備所有食材，比煲湯省時省力。朋友上來打邊爐不妨先煲好一大壺，比樽裝涼茶更有益健康，一次過養生養顏！
節日除左要靚，仲要注意食物安全！即睇：《小食要慎選 節日慶祝更安全》
